काठमाडौँ :- राष्ट्रपति रामचन्द्र पौडेलले संघीय संसद्को दुवै सदनको अधिवेशन आह्वान गरेका छन्। राष्ट्रपति कार्यालयका अनुसार वैशाख १७ गते बिहीबार दिउँसो २ बजे दुवै सदनको बैठक बस्ने गरी अधिवेशन बोलाइएको हो।
संविधानको धारा ९३ अनुसार सरकारको सिफारिसमा राष्ट्रपतिले संसद्को अधिवेशन आह्वान तथा अन्त्य गर्न सक्ने व्यवस्था छ। यसअघि चैत १८ गते राष्ट्रपति पौडेलले सरकारको सिफारिसमा संसद्को अधिवेशन अन्त्य गरेका थिए।
अब सुरु हुने अधिवेशन मुख्यतः बजेट केन्द्रित हुने भएको छ। संविधानअनुसार जेठ १५ भित्र बजेट पारित गर्नुपर्ने प्रावधान रहेको छ। बजेट अघि संसद्मा सरकारको नीति तथा कार्यक्रम र बजेटका प्राथमिकतामाथि प्रि–बजेट छलफल हुनेछ।
तपाईको प्रतिक्रिया
सम्बन्धित खवर
